Tiranë, më 15 Qershor 2010

Ministri Tafaj monitoron nga afër zhvillimin e provimit të Lëndës së Matematikës për Maturën Shtetërore 2010.

Ministri i Arsimit dhe Shkencës, z. Myqerem Tafaj, monitoroi sot nga afër zhvillimin e provimit të detyruar të lëndës së Matematikës për Maturën Shtetërore 2010.

Gjatë hyrjes në shkollë ministri uroi gjimnazistët e shkollë së mesme të përgjithshme “Janaq Kilica” në Fier.

Më pas Ministri Tafaj vizitoi të gjitha qendrat e provimeve të përcaktuara nga Drejtoria Arsimore Rajonale e Fierit kishte vënë në dispozicion të maturantëve për zhvillimin e provimit të kësaj lënde.

Në mjediset e jashtme të shkollave Ministri Tafaj takoi prindërit e maturantëve, të cilët e vlerësuan këtë vizitë të ministrit në shkollë dhe përcollën emocionet e tyre për provimet e fëmijëve. Nga ana e tyre prindërit falenderuan Ministrinë e Arsimit dhe Shkencës dhe Drejtoritë Arsimore Rajonale për masat serioze për zhvillimin normal të provimeve të Maturës.

Ministri i Arsimit dhe Shkencës, z. Myqerem Tafaj, dhe u ndal edhe ne Patos, ku, pasi vëzhgoi kushtet në të cilat po zhvillohej provimi i matematikës, bisedoi me administratorët për standardet dhe rigorozitetin e procesit.

Në përfundim të provimit të Matematikës, Ministri Tafaj u ndal edhe në qytetin e Lushnjës. Në disa prej shkollave të këtij qyteti takoi maturantët që kishin përfunduar testin dhe u interesua për shkallën e vështirësisë së tij.
Vetë maturantët shprehën njëkohësisht falenderim për masat e sigurisë në të cilat u zhvillua provimi edhe për cilësinë e tij.